Dydd Mawrth 22ain Hydref 2019, 7:30yh

Y Ddarlith Flynydol: Bethan Marlow

Location: Capel Bethesda, Y Stryd Newydd, Yr Wyddgrug

Traddodir Darlith Flynydol Gwyl Daniel Owen eleni gan Bethan Marlow.

Ei thestun yw ‘Yr Wyddgrug Ddoe Yn Heddiw’  Bydd Bethan, sydd wedi ysgrifennu’r ddrama gymunedol ar derfysg yr Wyddgrug, 1869 sydd yn cael ei pherfformio yn ystod yr Ŵyl, yn siarad am ei gwaith a ‘i phrofiad, ac yn disgrifio’r broses o lunio’r ddrama, a’r themâu oedd yn bresennol yng nghymdeithas cyfnod Daniel Owen ac sydd dal yn bresennol yn ein cymdeithas ni heddiw.

Dramodydd Gymreig yw Bethan Marlow. Mae’n fwyaf adnabyddus mae’n debyg am Sgint a berfformwyd gan Sherman Cymru yn 2012

Mae’n enedigol o Fethel, Ogledd Cymru ond yn byw bellach yng Nghaerdydd gyda’i gwraig a dau o blant.

Ymhlith ei chomisiynau y mae Afiach- Nyrsus, drama ferbatim i Theatr Genedlaethol Cymru. Mae Bethan hefyd wedi derbyn Gwobr Cymru Greadigol i archwilio’r potensial i “gynulleidfa yn cyd-greu theatr”.

Dywedodd Cris Dafis amdani: “…yn rhoi llais i bobol â phrofiadau nad ydyn ni’n aml yn eu gweld ar lwyfannau Cymru.”.(Golwg)

Hyfforddwyd Bethan yn actores yn Academi Webber Douglas cyn iddi gael ei hysbrydoli i sgwennu dramau. Gweithiodd ar y cyfandir cyn dychwelyd i Gymru. Storiau pobl gyffredin yw ei phrif ysbrydoliaeth: eu teithiau, eu profiadau a’u gwaith. Mae’n arbenigo mewn gweithio gyda phobl gyffredin o fewn eu cymunedau. Gweithiodd gyda’r gymuned LGBT yn Abertawe ar “A Queer Christmas”, Mess Up The Mess a gyda chymuned tai cyngor yng Ngogledd Cymru – ar ddrama o’r enw “C’laen ta!” (Theatr Genedlaethol Cymru). Efallai mai “Sgint” (Theatr Genedlaethol Cymru) yw’r ddrama fwyaf nodedig mae wedi’i sgwennu. Ceisia wthio’r ffiniau ar nifer o lwyfanau gwahanol.

Yn ogystal â ‘Terysg’ ar hyn o bryd mae Bethan yn sgwennu ‘Madison’ – ffilm hir hefo Film Cymru Wales a ieie productions, ‘Feral Monsters’, i National Theatre Wales, a chyfres teledu wreiddiol ’Y Trap’ hefo Severn Screen a Warner Media 150.

 

 

For tickets call: 01352 758532